Үстіге
Тілеуіңіз болсын, күтіңіз... Email жазып көрсетіңіз Атыңызды немесе лақап атыңызды жазып көрсетіңіз Құпия сөз жазып көрсетіңіз Сайтта тіркелу үшін Сіз бірлестіктің ережелерін қабылдауыңыз қажет Профильді өзгерту үшін сайтқа кіру қажет Дұрыс email жазып көрсетіңіз Мәлімет таңдаулыға қосылды Таңдаулыға қосу Таңдаулыдан алып тастау Құпия сөздер сәйкес келмейді Сайтқа кіретін құпия сөз жазып көрсетіңіз Жақсы құпия сөзде кіші, бас латиндық әріптер және сандық белгілер болуы керек. Құпия сөзге тыныс белгілерін қосуға және ұзындығын кем дегенде 8 әріп жасауға ұсыныс береміз. Даусыңызға рахмет! Қосу +1 Алып тастау +1 Жауап нұсқасын таңдаңыз
Орын
жаңа тег қосу Слайдшоу қарау (пробел) Пауза Артқа Алға Орнынан көшіру Жабу (Esc) Толық көлеміне ашу Суретті жабу үшін жай басыңыз, қозғау үшін басып жібермеңіз
Пікіріңізге рахмет! Мәтін қойыңыз...
Күтіңіз...

Өзбектерді жеңдік. Енді Қытай командасын тоқтатуымыз керек - Нұрлан Ақүрпеков

"Астана арландары" клубының бас бапкері Талдықорғанда өткен жекпе-жектерді қорытындылады.


WSB жобасында өнер көрсететін "Астана арландар" клубының бас бапкері Нұрлан Ақүрпеков Vesti.kz порталының тілшісіне "Өзбек жолбарыстарына" қарсы өткен кездесуді қорытындылап, 4 наурыз күні Атырау қаласында "Қытай айдаһарларына" қарсы кездесуге команданың қалай дайындалып жатқанын айтып берді.

- Өзбекстан боксшыларына қарсы дайындық жақсы өтті. Сол үшін де "Астана" кәсіпқой Президенттік клубы мен "Самұрық-Қазына" Ұлттық әл-ауқат қорына алғысымды айтқым келеді. Жаттығу жасайтын жеріміз де, тұратын жеріміз де жақсы болды. Талдықорғандағы жекпе-жекке тоқталатын болсақ, өздеріңіз де көрдіңіздер, Өзбекстан бізге кіл мықты боксшыларын алып келді. Қарсыластарымыздың құрамында төрт Олимпиада ойындарына қатысқан боксшылар болды. Біздің барлық боксшыларымыз кімдерге қарсы шығатынын жақсы білді. Сондықтанда жақсы дайындалды. Бұл кездесу алдында біз боксшыларды біраз бақылап, соңында осы бес боксшыны таңдап алдық. 

Олжас Сәттібаев - тәжірибелі боксшы. Олимпиада ойындарында бағын сынады. Бұл салмаққа әбден төселіп қалған боксшы. Бірақ оның қарсыласы аса танымал емес. Тәжірибесі де аз. Сол себепті Олжас бұл жекпе-жекте оңай жеңіске жетті. 

60 келіде Зәкір Сафиуллинді таңдадық. Зәкір бұл жобада бірнеше кездесу өткізген. Оның қарсыласы өте қарымды болды. Муроджон Ахмадалиев Олимпиада ойындарының чемпионы. Бірақ бұл салмаққа енді ғана өтті. Бұл да өз рөлін ойнады. Өзбек боксшысы 60 келіге әлі үйренбегені көрінді. 

69 келіде Асланбек Шымбергенов Олимпиада ойындарының чемпионы Шахрам Гиясовқа қарсы жұдырықтасты. Жекпе-жек Асланбек үшін қиын болды. Төртінші раундқа дейін жекпе-жек теңдей өтті. Ал бесінші раунда біздің боксшы жеңісті жұлып алды. 

Өзбектерге қарсы 81 келіде кім шығатынын ұзақ ойландық. Ұлттық құраманың бапкерлерімен де кеңестік. Сөйтіп таңдау Нұрдәулет Жармановқа түсті. Ол жылдам боксшылардың бірі. Аяғымен де жақсы жұмыс істейді. Қарсыласынан жылдамдығымен айласын асырады деген ой болды. Бірақ кездесудің бірінші раундында бүйірінен ауыр соққы өткізіп алды. Бұл кездесудің ары қарай өтуіне зор әсерін тигізді. 

- Ал ауыр салмаққа Ұлттық құрамадан Қамшыбаек Қоңқабаевты алдырдыңыздар. Қызылордалық боксшы сенімді толық ақтады ғой, иә?

- Әрине! Біздің команданың қатарында ол қосалқы құрамда болса да, біз Ұлттық құраманың бас бапкерінен Қамшыбекті жіберуді сұрадық. Құрама бапкері де бірден келісті. Қамшыбекке зор алғысымды білдіргім келеді. Ол Өзбекстанның бірінші нөмірлі боксшысымен жұдырықтасып, сенімді толық ақтады. Бес раунда бойынша ол қарсыласына еш мүмкінді бермеді. Барлығымыз да оның өнеріне көңіліміз толады. 

- "Арландар" келесі кездесуін наурызда Атырау қаласында Қытай командасына қарсы өткізеді. Дайындық қалай өтуде? Бұл кездесуге қатысатын боксшылардың таңдап үлгердіңіз бе?

- Қазір біз команданың бірнеше бапкерлерімен бірге Атырауға ұшып келдік. Жаттығулардың осы жерде жасайтын боламыз. Оның үстіне жергілікті бапкерлер Қытай командасына қарсы Атырау облысының екі боксшысы шықса екен деп өтініш жасап отыр. Біз оны алдағы уақытта қарастырамыз. Егер бұл өңірдің боксшылары дайын болса, біз шығаратын боламыз. Жалпы Қытай командасына қарсы шығатын боксшылардың әлі анықтаған жоқпыз. Әлі уақыт бар. Боксшылардың дайындығын бақылаймыз. Содан кейін барып бұл сұрақты шешеміз. 






  Пікір: 0
  0