Үстіге
Тілеуіңіз болсын, күтіңіз... Email жазып көрсетіңіз Атыңызды немесе лақап атыңызды жазып көрсетіңіз Құпия сөз жазып көрсетіңіз Сайтта тіркелу үшін Сіз бірлестіктің ережелерін қабылдауыңыз қажет Профильді өзгерту үшін сайтқа кіру қажет Дұрыс email жазып көрсетіңіз Мәлімет таңдаулыға қосылды Таңдаулыға қосу Таңдаулыдан алып тастау Құпия сөздер сәйкес келмейді Сайтқа кіретін құпия сөз жазып көрсетіңіз Жақсы құпия сөзде кіші, бас латиндық әріптер және сандық белгілер болуы керек. Құпия сөзге тыныс белгілерін қосуға және ұзындығын кем дегенде 8 әріп жасауға ұсыныс береміз. Даусыңызға рахмет! Қосу +1 Алып тастау +1 Жауап нұсқасын таңдаңыз
Орын
жаңа тег қосу Слайдшоу қарау (пробел) Пауза Артқа Алға Орнынан көшіру Жабу (Esc) Толық көлеміне ашу Суретті жабу үшін жай басыңыз, қозғау үшін басып жібермеңіз
Пікіріңізге рахмет! Мәтін қойыңыз...
Күтіңіз...

Өзбектерді өз алаңымызда ойсырата жеңуіміз керек - Нұрлан Ақүрпеков

"Astana Arlans" бапкері өткен кездесуге тоқталып, алдағы кездесу туралы пікір білдірді.


©allfight.ru
©allfight.ru
Бүкіләлемдік бокс сериясында өнер көрсететін "Astana Arlans" клубының бас бапкері Нұрлан Ақүрпеков "Patriot Boxing Team" командасына қарсы кездесу туралы Vesti.kz порталына өз пікірін білдірді. 

- Ресейлік командаға қарсы кездесуге біз Ұлттық құрамамен бірге Алматыдағы бокс академиясында дайындалдық. Басында біз бұл дайындық тек боксшылардың физикалық дайындығын пысықтауға арнаймыз деген едік. Алайда кейін боксшылардың әрқайсысына жеке-жеке бағдарлама құрдық. Сөйтіп 30 күн дайындалдық. Жекпе-жек алдында шамалы қобалжыдым. Өйткені, ресейлік команданың қатарында мықты боксшылар жиналған. Оның үстіне маусымды жеңіспен бастау керек едік. Дайындықтық тауда өткіздік дедім ғой, сондықтан да жігіттер әдбен тауға, таза ауаға үйреніп қалды. Ресей жеріне үйренісе алады ма деген ой да болады. Бірақ, шүкір, барлығы ойдағыдай өтті. 



- Шыны керек, Ресей жеріне алып барған құрама жанкүйерлер тарапынан біраз күмән туғызды. Өйткені, Мәскеуге алып барған екі боксшы бұл жобада бірінші кездесулерін өткізді. Осы туралы айтып берсеңіз ...

- 49 келіде таңдау Теміртас Жүсіповке түсті. Ол Қазақстан чемпионы. Өкінішке қарай, бұл салмақта қазір ерекшеленіп тұрған лидер жоқ. Жомарт Ержан деген жігіт бар. Ол қазір Ұлттық құрамамен жаттығу істеп жатыр. Ал, Теміртас бұл жобада төселген боксшы. Бес раундтық жекпе-жектерге дайын. Жекпе-жектің алғашқы екі раундында Теміртас қарсыласына ештеме жасай алмады. Тіпті, маған ол шаршап қалғандай көрінді. Қарсыласынан сылбырлау болды. Ол тек үшінші раундтан бастап шаршы алаңда жақсы жұмыс істей бастады. Негізі Теміртас өз кездесулерін шыдамдылықтың арқасында жеңеді. Ол жаттығу жұмыстарында да көп жұмыс істейді. Бірақ ол қу боксшы емес, ол еңбекқор боксшы. Үнемі алға ұмтылып тұрады. Менің ойымша, жекпе-жек тең дәрежеде өтті. Бірақ, төрешілер жеңісті ресейлік боксшыға берді. 

Ілияс - азамат! Сөзім жоқ. Мен жалпы команда ішіндегі боксшылардың ешқайсынана артық әңгімем жоқ. Мен бұл кездесулерге ең мықты деген боксшылардың таңдап алдым. Таңдаудың алдында спарринг өткіздік. Ілияс - тәжірибелі боксшы ғой. Бес раундтық емес, 12 раундтық жекпе-жектерге де қатысып көрген. Барлығын жоспар бойынша орындап шықты. 

Ділмұрат Мижитов болса бес раундтық кездесуді бірінші рет өткізді. Оның қарсыласы ірілеу болды. Бойы аласа болғанымен, тығыншықтау. Ділмұратқа аяқтарымен көп жұмыс істеуі керек еді. Оның бапкерінің айтуынша, Мижитов ауырлай қимылдап, тек алға жүретін боксшы. Бірақ бірінші және екінші раундты таза жеңіліп қалды. Үшінші және төртінші раундты жеңген еді. Бұл та тең дәрежеде өткен кездесу еді. Бірақ бұл жолы да жеңіс ресейліктердің еншісінде кетті. 

Келесі кездесуді барлықтарыңыз көрген шығарсыздар. Әбілзан сөзсіз жеңді. Енді оны "жұлдыз" ауыруына шалдықпаса екен деп тілейік. Оған қазір кәсіпқой бокстан да ұсыныстар түсіп жатыр. Алайда біздің жоспарымыз мүлде басқа. Басты мақсат - Олимпиада. Әбілхан жас боксшы. 19-да ғана. Сондықтан да болашағынан зор үміт күттіретін боксшылардың бірі. Ол менің жеке шәкіртім. 



Антон да нағыз азамат! Мұндың маңызды сәтте өз-өзін қолға ұстап, жеңісті жұлып алып беру көп боксшының қолынан келе бермейді. Есеп 2:2 кезінде мен Антонға барып, командамызға жеңіс алып келесің деген үміттемін деп айттым. Ол болса, уайымдамауымызды сұрады. Ол өз уәдесінде тұрды. 

- Жаңа маусымны күнтізбесі қиындау жасалыпты. Кеше ғана Ресей клубына қарсы кездесу өткізген едіңіздер. Енді алда өзбек боксшылары тосып тұр. 

- Иә, демалысқа уақыт аз. Бірақ боксшылар ауысады ғой. Өзбекстандық командаға қарсы шығатын боксшылар дайындығын әлдеқашан бастап кеткен. Сол бокс академиясында. Ұлттық құрамамен бірге. Жақын күндері АҚШ және Германия боксшылары келеді. Солармен бірге дайындықты өткіземіз. 



- Биыл команданың құрамы қысқарғанын білеміз. Ұлттық құрама боксшылар да жоқ. Алдағы уақытта жанкүйерлер Ұлттық құрама боксшыларын "арландар" қатарынан көре алады ма?

- Мен Ұлттық құрама сапынан ауыр салмақта өнер көрсететін Қамшыбек Қоңқабаевты шақыртқым келеді. Егер мүмкін болса әрине. Қазір команда сапында ауыр салмақта өнер көрсететін Олжас Бұқаевты әлі толық тексеріп үлгерген жоқпыз. Ал өзбекстандық команда сапында ауыр салмақта мықты боксшылар бар. Біз бұл кездесуді 5:0 есебімен жеңу керекпіз. Сондықтан да команданы күшейті керекпіз. Қонқабаев қосылса жақсы болар еді. 

Айта кетейік, "Astana Arlans" пен "Uzbek Tigers" арасындағы кездесу 18 қаңтар күні Талдықорған қаласында өтеді. 



  Пікір: 0
  0