Үстіге
Тілеуіңіз болсын, күтіңіз... Email жазып көрсетіңіз Атыңызды немесе лақап атыңызды жазып көрсетіңіз Құпия сөз жазып көрсетіңіз Сайтта тіркелу үшін Сіз бірлестіктің ережелерін қабылдауыңыз қажет Профильді өзгерту үшін сайтқа кіру қажет Дұрыс email жазып көрсетіңіз Мәлімет таңдаулыға қосылды Таңдаулыға қосу Таңдаулыдан алып тастау Құпия сөздер сәйкес келмейді Сайтқа кіретін құпия сөз жазып көрсетіңіз Жақсы құпия сөзде кіші, бас латиндық әріптер және сандық белгілер болуы керек. Құпия сөзге тыныс белгілерін қосуға және ұзындығын кем дегенде 8 әріп жасауға ұсыныс береміз. Даусыңызға рахмет! Қосу +1 Алып тастау +1 Жауап нұсқасын таңдаңыз
Орын
жаңа тег қосу Слайдшоу қарау (пробел) Пауза Артқа Алға Орнынан көшіру Жабу (Esc) Толық көлеміне ашу Суретті жабу үшін жай басыңыз, қозғау үшін басып жібермеңіз
Пікіріңізге рахмет! Мәтін қойыңыз...
Күтіңіз...

Куба алынбайтын тас қамал емес - Нұрлан Ақүрпеков

"Астана арландарының" бас бапкері финалдық кездесудің алдында сұқбат берді.


Қазақ бокс мектебінің қаншалықты қарымды екенін «Астана арландары» әлемге жыл сайын дәлелдеп келеді. Ешқашан жүлдесіз қалып көрмеген «Арландарымыз» биыл төртінші мәрте финалға шығып отыр. Жақында отандастарымыз Бүкіләлемдік бокс сериясының (WSB) жетінші маусымындағы жартылай финалда британиялық «Бритиш Лайнхартс» клубымен екі жекпе-жегінің қорытындысы бойынша 7:3 есебімен ұтып, тағы да финалға шықты. Енді шешуші сында отандастарымыз кубалық «Куба Домадорес» командасымен чемпиондық атақты сарапқа салады. Осыған орай, «Астана арландарының» бас жаттықтырушысы Нұрлан Ақүрпековті әңгімеге тартып, боксшылардың дайындығы жайында шағын сұхбат алған едік.

- Өткенде ғана сұхбат беріп, Алла қаласа, финалға шықсақ, ұлттық құрамадан көмек сұраймыз деп едіңіз. Жалпы финалға дайындықтарыңыз қалай?

- Иә, сүрінбей финалға жеттік. Енді чемпион атану ғана қалды. Егер биыл тағы да чемпион болсақ, Бүкіләлемдік бокс сериясы тарихына «Арландардың» есімі алтын әріптермен жазылайын деп тұр. Бұл жоба жүзеге асқалы біздей жетістікті ешқандай команда қайталаған емес. Біз - қазірдің өзінде ең көп жүлдегер атанған командамыз. Ал «алтын» әріптермен тарих парағына қалу үшін бізге ұлттық құраманың көмегі ауадай қажет. Алайда, бұл мәселе әлі шешілмей жатыр. Ал өз боксшыларымыз күнделікті жаттығуларын ойдағыдай жасап жатыр.

- Ұлттық құраманың көмегіне не кедергі болып жатыр?

- Олардың күнтізбелік кестесі бізге сәйкес болмай жатыр. Бүкіләлемдік бокс сериясының негізгі жоспары бойынша финалдың алғашқы айқасы осы айдың 24-і күні Кубада өтуі тиіс. Ал қарымта кездесу 1 шілдеде Қазақстанда өтеді делінген. Ұлттық құрама тура осы уақытта 10 күндік оқу-жаттығуға Түркияға кетеді екен.

- Енді не істемек ойдасыздар?

- Қазір Бүкіләлемдік бокс кеңесіне хат жазып, финалдың уақытын өзгертуге ұсыныс жасасақ деген ойдамыз. Бірақ, олар келісе ме, келіспей ме ол жағы белгісіз. Бірақ. ұлттық құрамадан көмек болмаса да бәрібір жұдырықтасамыз. Шегінерге жол жоқ.

- Куба боксшылары соншалықты мықты ма?

- Куба боксшылары алынбайтын тас қамал емес. Осыған дейін жолықтық. 2015 жылы тура осы кубалықтармен финалда жолымыз түйісіп, чемпиондық атаққа біз қол жеткізгенбіз. Сол жетістіктің кездейсоқ емес екенін дәлелдеп, биыл да олардан айламызды асырсақ деп қолдан келген жұмысты жасап жатырмыз. Бәрін шаршы алаң көрсетеді. Бұйырғанын көреміз.

- Биыл чемпион болсақ, «Арландардың» есімі алтын әріптермен жазылады деп жатсыз. Өткен жетістіктерге қысқаша тоқталып, оқырман қауымның есіне қайталап түсіре кетсеңіз...

- Елордамызда құрылған «Арландарымыз» 2013 және 2015 жылдары чемпион атанды. 2013 жылы Украина боксшыларын ұтсақ, 2015 жылы биылғы қарсыласымыз Кубаны қапы қалдырдық. Ал алғашқы 2011 жылы финалда Франция боксшыларына бір ғана есеп айырмашылығымен есе жіберіп, күміс медальді қанжығаға байладық. 2012, 2014 және 2016 жылдары үздік үштікті түйіндеп, қола медальға қол жеткіздік. Міне, биыл тағы финалға шығып тұрғанымызды ескерсек, жүлдесіз қалған жылымыз жоқ екенін көруге болады. Дүниежүзілік бокс сериясы жобасында жеңіп алған жүлделер жағынан ешбір команда қазақстандық «Астана арландарының» шалымына жетпейді.

- Егер финалда ұлттық құрамадан көмек болмаса, өз боксшыларыңыздан кімдерге үміт артасыздар?

- Әлі кімдердің жұдырықтасатынын анықтаған жоқпыз. Бокс федерациясының басшылығы ұлттық құрамадан бізге көмек беруге келісе ме, келіспей ме, бірінші осы мәселені шешіп алған соң барып, кімдердің жұдырықтасатынын анықтайтын боламыз.

- Әңгімеңізге рахмет! 

Күнсұлтан Отарбай


  Пікір: 2
  0  

Пікірлер

 
 
Adam Adam 13 маусым 2017 21:16
Мәртебе: Юниор
Рейтинг: 82
Сұмдық қой, Түркияға бес күн кейін барса Айтжановтың көтеншегі үзіліп кете ме!!??
 
Кайсар Казыгулулы 24 тамыз 00:02
Мәртебе: Спорт шебері
Рейтинг: 512
Кубаны былай қойғанда, өзбектерді жеңіп алыңдар!