Үстіге
Тілеуіңіз болсын, күтіңіз... Email жазып көрсетіңіз Атыңызды немесе лақап атыңызды жазып көрсетіңіз Құпия сөз жазып көрсетіңіз Сайтта тіркелу үшін Сіз бірлестіктің ережелерін қабылдауыңыз қажет Профильді өзгерту үшін сайтқа кіру қажет Дұрыс email жазып көрсетіңіз Мәлімет таңдаулыға қосылды Таңдаулыға қосу Таңдаулыдан алып тастау Құпия сөздер сәйкес келмейді Сайтқа кіретін құпия сөз жазып көрсетіңіз Жақсы құпия сөзде кіші, бас латиндық әріптер және сандық белгілер болуы керек. Құпия сөзге тыныс белгілерін қосуға және ұзындығын кем дегенде 8 әріп жасауға ұсыныс береміз. Даусыңызға рахмет! Қосу +1 Алып тастау +1 Жауап нұсқасын таңдаңыз
Орын
жаңа тег қосу Слайдшоу қарау (пробел) Пауза Артқа Алға Орнынан көшіру Жабу (Esc) Толық көлеміне ашу Суретті жабу үшін жай басыңыз, қозғау үшін басып жібермеңіз
Пікіріңізге рахмет! Мәтін қойыңыз...
Күтіңіз...

ӘЧ-2017. Бүгін қазақ боксшыларының барлығы шаршы алаңға шығады

Ширек финалға шыққан боксшылар саны бойынша Өзбекстан құрамасы алда тұр.


Данияр Майлыбаев
Данияр Майлыбаев
Бокстан Германияның Гамбург қаласында өтіп жатқан әлем чемпионатында 7 қазақ боксшысы ширек финалға шықты. Олардың барлығы бүгін жартылай финал үшін өтетін жекпе-жекке шығады.

Ширек финалға шыққан боксшылар саны бойынша Өзбекстан құрамасы алда тұр. Олардың 9 боксшысы жарысты жалғастырады. Бір боксшысы отандасымыз Қайрат Ералиевтен (56 келі) жеңіліп, жарысты аяқтаған еді. Кубалық 8 боксшы ширек финалға шыққан. Германиядан – 6, Ресей, АҚШ, Колумбия, Моңғолия және Ұлыбритания елдерінен 4 боксшы ширек финалға өтті.



Ширек финалдағы қазақ боксшыларының қарсыластары осал емес. Жомарт Ержанның қарсыласы Василий Егоров 2015 жылы Дохада өткен әлем чемпионатының күміс жүлдегері. Ал 75 келіге дейінгі салмақта Әбілхан Аманқұл Рио Олимпиадасының чемпионы, 2015 жылғы әлем чемпионатында топ жарған кубалық Арлен Лопеспен жұдырықтасады.

81 келіге дейінгі салмақта Ерік Әлжанов Рио Олимпиадасының күміс жүлдегері өзбек Бектемір Меликузиевпен кездеседі. Осы жылы Ташкентте өткен Азия чемпионатының финалында Ерік осы өзбек боксшысына есе жіберген еді. Қамшыбек Қоңқабаев пен Баходир Жалолов бір-бірінің қыр-сырын жақсы білетін боксшылар. Биылдың өзінде шаршы алаңда екі рет кездесіп үлгерді. WSB жобасы аясындағы жекпе-жекте (ақпан айында) Қамшыбек жеңсе, Ташкенттегі Азия чемпионатында Баходир басым түскен еді. Ал бірер жыл бұрын Болгариядағы "Strandja" халықаралық турнирінің финалында отандасымыз өзбек боксшысын нокаутпен ұтқан болатын.

Күндізгі жекпе-жектер (Астана уақытымен сағат 19:00-де басталады)

49 келі. 1/4 финал. Жомарт Ержан (Қазақстан) — Василий Егоров (Ресей)
56 келі. 1/4 финал. Қайрат Ералиев (Қазақстан) — Омар Эль-Хаг (Германия)
75 келі. 1/4 финал. Әбілхан Аманқұл (Қазақстан) — Арлен Лопес (Куба)
91 келі. 1/4 финал. Василий Левит (Қазақстан) — Джейсон Уотели (Австралия)

Кешкі жекпе-жектер (Астана уақытымен сағат 23:00-де басталады)

69 келі. 1/4 финал. Абылайхан Жүсіпов (Қазақстан) — Габриэль Маэстре Перес (Венесуэла)
81 келі. 1/4 финал. Ерік Әлжанов (Қазақстан) — Бектемір Меликузиев (Өзбекстан)
+91 келі. 1/4 финал. Қамшыбек Қоңкабаев (Қазақстан) — Баходыр Жалолов (Өзбекстан).

Әлем чемпионатының ширек финалындағы жекпе-жектерді "Qazsport" арнасы тікелей эфирде көрсететін болады.
  Пікір: 0
  0