2020 жылғы Олимпиада ойындарында бокста қандай салмақ болмайды?

Олимпиада ойындарының чемпионы мен Қазақстан құрамасының бұрынғы бапкері Ермахан Ибраимов Vesti.kz порталының тілшісіне 2020 жылғы Олимпиада ойындарына ерлер арасында бокстан қай салмақтың болмайтынын айтып берді.

Еліміздегі ең табысты боксшылардың бірі Олимпиада ойындарында қазір алынып тасталған салмақ 71 келіде топ жарған. Ибрагимов екі Олимпиада ойындарында алтын және қола жүлде жеңіп алған.

- Ермахан Сағиұлы, сіз Олимпиада ойындарында 12 салмақ дәрежесі бар кезінде өнер көрсеттіңіз ...

- Мен Олимпиада ойындары кезінде 12 салмақ болған кезде қатысқым. Кейін салмақ дәрежесін 11-ге дейін қысқартты. Сосын 10-ға дейін азайды. Қазір енді тіпті 8-ге дейін түсіп қалуы мүмкін. Менің білуімше, қазір 49 келіні алып тастауы мүмкін. Бұл салмақта азиялық елдер топ жарып жүр. Сондықтанда бұл салмақты Олимпиада ойындарында қалуы үшін азиялық елдер шағым білдіретін шығар.

- Тағы қай салмақты Олимпиада ойындарынан шығарып тастауы мүмкін?

- Менің естуімше, бірінші ауыр салмақты.

- 91 келіні ме?

- Иә. Олимпиада ойындарында 85 келіге дейін, 75 келіге дейін және 85 келіден жоғары салмақ болады.

- Демек 91 келіден ауыр деген салмақ болмайды ма?

- Иә. 85 келі және одан ауыр салмақ.

- Ал 75 келіден жеңіл салмақтарда өзгерістер болады ма?

- Жоқ. Ол салмақтардың барлығы өзгеріссіз қалады.

- Енді ең жеңіл салмақ 52 келі болады ғой, иә?

- Иә.

Еске салайық, Халықаралық Олимпиада комитеті (ХОК) 2020 жылғы Олимпиада ойындарында бокстан ерлер арасындағы салмақ дәрежелерін қысқартуы мүмкін.

Әлеуметтік желілерде бөлісу