Ерік Әлжанов жарақатына байланысты Президент кубогынан шығып қалды

Қазақстандық боксшы Ерік Әлжанов жарақатына байланысты Астана қаласында өтіп жатқан Президент кубогы додасынан шығып қалды, деп жазады Vesti.kz порталы.

Бірінші айналымда 81 келіде сынға түскен отандасымыз Оңтүстік Корея елінің боксшысы Хи Хун Янмен кездесіп, жарақат алды. Кездесудің бірінші раундында-ақ Әлжановтың қабағы жарылды. Екінші раунда жарақат ауырлап, дәрігерлер жекпе-жекті тоқтатты. Қазақстандық боксшы турнирді ары қарай жалғастыра алмағандықтан төрешілер жеңісті корей жігітіне берді.

Айта кетейік, негізі Ерік Әлжанов 75 келіге дейінгі салмақта сынға түседі. Бірақ қазіргі уақытта бұл салмақтағы көшбасшы боксшыларымыщ Жәнібек Әлімханұлы мен Әділбек Ниязымбетов жарақат алып қалуына байланысты, бапкерлер Әлжановты осы салмақта сынға қосып жүр.

Бұған дейін турнирдің жартылай финалына Василий Левит (91 келі), Әбілхан Аманқұл (75 келі) және Садриддин Ахмедов (69 келі) шыққан болатын. Ал қыздар арасында Назым Қызайбай мен Жайна Шекербекова (51 кел) турнирдің жартылай финалына өтті.

Еске салайық, Прездиент кубогы осымен бесінші рет өтіп жатыр. Дода 13 салмақ бойынша (10 ерлер, 3 қыздар) арасында өтіп жатыр. Финалдық кездесулер 10 маусымға белгіленген.

Әлеуметтік желілерде бөлісу