Әділет Құрметов Олимпиада ойындарының қола жүлдегерінен жеңіліп қалды

60 келіде өнер көрсететін қазақстандық боксшы Әділет Құмертов Ташкентте өтіп жатқан Азия чемпионатының ширек финалынан ары аса алмады, деп хабарлайды Vesti.kz порталы.

Азия біріншілігінің ширек финалында қазақстандық боксшы Олимпиада ойындарының қола жүлдегері, Азия чемпионаты мен Азия ойындарының жеңімпазы, моңғолгиялық Отгондалай Доржнямбумен кездескен еді. Отандасымыз жекпе-жекті жақсы бастап, қарсыласымен бір деңгейде жұдырықтасып жатқан. Бірақ бірінші раундтың ортасында Құрметовтің қабағы жарылшы. Шаршы алаңның жанында дәрігерлер біраз ем-домын жасады. Алайда медициналық қызметкерлер Әділетке жекпе-жекті жалғастыруға рұқсат бермеді.

Сөйтіп жекпе-жек тоқтатылып, төрешілердің ұпайы есептелді. Оның қорытындысы бойынша моңғолиялық боксшы жеңіске жетіп, жартылай финалға шықты.

Осылайша Қазақстан құрамасының екінші боксшысы жарыс жолын ширек финалдан тоқтатып отыр. Еске салайық, бұған дейін Жомарт Ержан өзбек өрені Хасонбай Дусматовтан жеңілген еді.

Әлеуметтік желілерде бөлісу