Үш қазақ боксшысы Тайландтағы халықаралық турнирдің жартылай финалына шықты

dodasport.kz

Бокстан Бангкокта өтіп жатқан "Thailand Invitation International Boxing Tournament 2017" халықаралық турнирінің жартылай финалына үш қазақ боксшысы шықты. Ширек финалда үш боксшымыз жарыс жолынан шығып қалды.

Тайланд төріндегі додаға еліміздің атынан жеті боксшы аттанған еді. Оның алтауы ширек финалға шыққанын осыған дейін хабарлаған болатынбыз. Бүгін ширек финалдағы кездесулер өтіп, үш боксшымыз жартылай финалға шықты.

52 келіге дейінгі салмақта Азат Махметов аустралиялық боксшы Джек Боуэнді ұтты. 75 келіге дейінгі салмақта Садриддин Ахмедов шаршы алаң иесі Саесита Апичетаны жеңді. Ұлттық құрама сапында үшінші болып жартылай финалға Ерік Әлжанов (-75 келі) жолдама алды. Ол да ширек финалда тайландтық боксшы Фромтай Наттанфонды басым түсті.

Бірінші кездесулерінде жеңіске жеткен Нұрбол Қалжанов (-56 келі) кәріс Ху Нам Жоға, Сұлтан Зауырбек (-60 келі) кубалық Палмер Каррион Дариевскиге, Қуан Қуатов (-64 келі) үндістандық Токас Рохитке ұтылды.

Жартылай финалға шыққан қазақ боксшылары өз жекпе-жектерін ертең өткізеді. Қарсыластары төмендегідей:

52 келіге дейінгі салмақта - Азат Махметов - Залдивар Сантистеба Франк (Куба);
69 келіге дейінгі салмақта - Садриддин Ахмедов - Жоэль Бахо (Филиппин);
75 келіге дейінгі салмақта - Ерік Әлжанов - Иглесиас Эстрада Ослей (Куба).

Әлеуметтік желілерде бөлісу